اسلام آباد(مانیٹرنگ ڈیسک) منشیات سمگلنگ کیس میں گرفتارغیر ملکی حسینہ پیشیاں بھگت بھگت کر تھک گئی۔ عدالت میں رو پڑیں۔نجی ٹی وی کے مطابق غیر ملکی ماڈل ٹریسا کا کہنا ہے کہ میں تھک گئی ہوں روزانہ عدالت میں پیش ہوتی ہوں لیکن اس کیس میں کوئی پیش رفت نہیں کی جا رہی۔اس کیس کی کوئی کاروائی نہیں ہو رہی نہ جانے اس کا فیصلہ کب ہو گا۔
غیر ملکی ماڈل ٹریسا کو روتے ہوئے بخشی خانے منتقل کر دیا گیا.کیس کی سماعت بغیر کسی کارروائی کے ملتوی کر دی گئی۔ واضح رہے کہ ماڈل ٹریسا کے خلاف مرکزی چالان میں اب تک تمام گواہان شہادت قلمبند کروا چکے ہیں۔ ملزمہ نے اپنے ابتدائی بیان میں موقف اختیار کیا تھا کہ وہ ماڈلنگ کے لیے پاکستان آئی تھی منشیات کا اسے کوئی علم نہیں۔
