اسلام آباد(مانیٹرنگ ڈیسک)نجی ٹی وی پروگرام میں معرو ف صحافی، تجزیہ کار اور کالم نگار حامد میر نے پروگرام میں مدعو مہمان وزیر خزانہ اسد عمر سے گفتگو کرتے ہوئےکہا کہ ماہرین نے اے ٹی ایم کارڈ ز ہولڈرز کو مشورہ دیا ہے کہ جب وہ اے ٹی ایم میں رقم نکلوانے کیلئے جاتے ہیں تو وہ اپنا اے ٹی ایم کارڈ مشین میں ڈالنے کے بعد دو مرتبہ کینسل کے بٹن کو پنچ (دبائیں)کریں اور اگر کسی نے آپ کا ڈیٹا ہیک کرنے کیلئے کوئی سسٹم لگایا ہوا ہے تو
وہ کینسل ہو جاتا ہے، تو آپ کو چاہئے کہ آپ لوگوں کو اس طرح کی بھی ایڈوائز دیا کریں۔ جس پر جواب دیتے ہوئے اسد عمر نے کہا کہ میرا کیونکہ دماغ اسطرح کی دونمبری میں چلتا نہیں اس لئے میں ایسا کر نہیں سکتا۔ جس پر دونوں نے بات کا مزہ لیتے ہوئے خوب قہقہے لگائے۔ اسد عمر کا کہنا تھا کہ یہ ایک سنجیدہ مسئلہ بھی ہے اور دنیا بھر کو سائبر کرائم کا سامنا ہے۔ ہیکرز صارف کی شناخت تک ہیک کر لیتے ہیں یہ تو صرف ایک اکائونٹ کی بات کر رہے ہیں۔
