اسلام آباد (آن لائن) اسلام آباد ہائیکورٹ میں 17 ستمبر کو وزیراعظم ہاؤس کی گاڑیوں کی نیلامی رکوانے کے لیے درخواست دائر کردی گئی ہے ۔درخواست چوہدری ناصر محمود، چیئر مین پاکستان عوامی لیگ کی جانب سے دائر کی گئی ہے۔درخواست میں وزیراعظم عمران خان، پی پی آر اے، پی آئی ڈی، وزارت داخلہ کو فریق بنایا گیا ہے۔وزیراعظم نے اپنی پہلی تقریر میں حکومتی اخراجات میں کمی کرنے اور سرپلس گاڑیوں کی نیلامی کا اعلان کیا تھا۔درخواست میں موقف اختیار کیا گیا ہے کہ وزیراعظم نے اپنی کفایت شعاری مہم کے

برعکس نیلامی کے لیے پیش کی گئی گاڑیوں کے اشتہارات پر آٹھ کروڑ کی کثیر رقم خرچ کی۔ حکومت نے اخراجات میں کٹوتی کی بجائے آٹھ کروڑ روپے اشتہارات کی مد میں اپنے من پسند میڈیا ہاؤسز کو دیے۔ اشتہارات میں خرچ کی گئی رقم عوام کا پیسہ ہے جس کی پوچھ گچھ ان کا حق ہے۔ درخواست کہا گیا ہے کہ اشتہار کے مطابق 13 اور 14 ستمبر کو وزیر اعظم ہاؤس کے گیٹ نمبر 5 کے پارکنگ ایریا میں گاڑیوں کا معائنہ کیا جا سکتا ہے۔ نیلامی سے غیر ملکی مہمانوں کی آمد و رفت پر اخراجات کا بوجھ عوام پر پڑے گا۔