منگل‬‮ ، 29 اپریل‬‮ 2025 

عام انتخابات، ’’لیگی کارکنان کی گرفتاریاں ،تحریک انصاف کیلئے خاص قسم کا ماحول اورمیڈیا پر عائد سنسرشپ کی خبریں،معروف امریکی تھنک ٹینک نے بڑا دعویٰ کردیا

datetime 24  جولائی  2018
ہمارا واٹس ایپ چینل جوائن کریں

اسلام آباد؍واشنگٹن (آئی این پی) معروف امریکی تھنک ٹینک کونسل آن فارن ریلیشنز نے کہا ہے کہ پاکستان میں (آج) عام انتخابات منعقد ہو رہے ہیں لیکن عوام میں موجود تاثر3تحفظات جن میں ’’لیگی کارکنان کی ہزاروں کی تعداد میں گرفتاریوں ،انتخابات سے قبل پی ٹی آئی کیلئے خاص قسم کا ماحول اورمیڈیا پر عائد سنسرشپ کی خبریں،ایسے امیدوارجن پر مبینہ طور پر دہشت گردی کے الزامات عائد تھے کو انتخابات میں حصہ لینے کی اجازت دی گئی‘‘شامل ہیں کو بیان کر رہا ہے،

ایسے حالات کے تناظر میں عوام میں تحفظات پائے جاتے ہیں کہ انتخابات میں نتائج پر کسی بھی قسم کا جشن منانے کی ضرورت نہیں ہے۔ منگل کو کونسل آن فارن ریلیشنز کی جانب سے جاری کی جانے والی ایک تجزیاتی رپورٹ میں کہا گیا کہ پاکستان میں مسلسل دوسری جمہوری حکومت سے پر امن طور پر اقتدار تیسری جمہوری حکومت کو منتقل ہو گا، انتخابات کا میدان سج چکا ہے تاہم عوام میں نتائج کے حوالے سے تحفظات پائے جاتے ہیں، عوام میں موجود تحفظات کی تین بڑی وجوہات ہیں، سب سے بڑی وجہ پاکستان کی جمہوری سیاست کے بارے میں ماحول بہت مختلف ہو چکا ہے،پاکستان مسلم لیگ (ن) کے قائد نواز شریف کی وطن واپسی پر لیگی کارکنان کی ہزاروں کی تعداد میں گرفتاریوں نے عوام میں تحفظات پیدا کئے،دوسری بڑی وجہ پاکستان کے مخصوص حلقوں کی جانب سے انتخابات سے قبل تحریک انصاف کیلئے ایک خاص قسم کا ماحول بنایا گیا،پاکستان میں میڈیا پر عائد سنسرشپ کی خبروں نے بھی عوام میں بڑے پیمانے پر تحفظات پیدا کئے،تیسری بڑی وجہ الیکشن کمیشن کی جانب سے ایسے امیدواروں کو انتخابات میں حصہ لینے کی اجازت دی گئی جن پر مبینہ طور پر دہشت گردی کے الزامات عائد کئے گئے تھے۔رپورٹ میں کہا گیا کہ ایسے حالات کے تناظر میں عوام میں تحفظات پائے جاتے ہیں کہ انتخابات میں نتائج پر کسی بھی قسم کا جشن منانے کی ضرورت نہیں ہے۔

موضوعات:

آج کی سب سے زیادہ پڑھی جانے والی خبریں


کالم



27فروری 2019ء


یہ 14 فروری 2019ء کی بات ہے‘ مقبوضہ کشمیر کے ضلع…

قوم کو وژن چاہیے

بادشاہ کے پاس صرف تین اثاثے بچے تھے‘ چار حصوں…

پانی‘ پانی اور پانی

انگریز نے 1849ء میں پنجاب فتح کیا‘پنجاب اس وقت…

Rich Dad — Poor Dad

وہ پانچ بہن بھائی تھے‘ تین بھائی اور دو بہنیں‘…

ڈیتھ بیڈ

ٹام کی زندگی شان دار تھی‘ اللہ تعالیٰ نے اس کی…

اگر آپ بچیں گے تو

جیک برگ مین امریکی ریاست مشی گن سے تعلق رکھتے…

81فیصد

یہ دو تین سال پہلے کی بات ہے‘ میرے موبائل فون…

معافی اور توبہ

’’ اچھا تم بتائو اللہ تعالیٰ نے انسان کو سب سے…

یوٹیوبرز کے ہاتھوں یرغمالی پارٹی

عمران خان اور ریاست کے درمیان دوریاں ختم کرنے…

بل فائیٹنگ

مجھے ایک بار سپین میں بل فائٹنگ دیکھنے کا اتفاق…

زلزلے کیوں آتے ہیں

جولیان مینٹل امریکا کا فائیو سٹار وکیل تھا‘…