لاہور(نیوز ڈیسک)تحریک انصاف کے مرکزی رہنما و حلقہ این اے127سے مریم نواز کے مد مقابل امیدوار جمشید اقبال چیمہ نے کہا ہے کہ کرپشن کی بنیاد رکھنے والے طاقتور خاندان کیخلاف فیصلہ پی ٹی آئی کی انتھک اور لازوال جدوجہد کا نتیجہ ہے،خواہش تھی مریم نواز عدالتی فیصلے سے قبل عوام کی جے آئی ٹی کا سامنا کرتیں ۔
ان خیالات کا اظہار انہوں نے احتساب عدالت کے فیصلے کے بعد اپنے مرکزی دفتر میں صحافیوں سے گفتگو کرتے ہوئے کیا ۔ اس موقع پر مسرت جمشید چیمہ سمیت کارکنوں کی کثیر تعداد موجود تھی ۔ کارکنوں نے فیصلے کی خوشی میں بھرپور جشن مناتے ہوئے ڈھول کی تھاپ پر بھنگڑے ڈالے اور مٹھائیاں تقسیم کی گئیں ۔ جمشید اقبال چیمہ نے کہا کہ ملک کا خون چوسنے والوں کی پکڑ ہونے پر عوام شکرانے کے نوافل ادا کر رہے ہیں اور اب حقیقی معنوں میں ملک کی تقدیر بدلے گی ۔ انہوں نے کہا کہ احتساب عدالت کا فیصلہ پاکستان اور پسے ہوئے طبقات کے سنہری مستقبل کی نوید ہے اور 25جولائی کو ہونے والے انتخابات سے دو نہیں ایک پاکستان کی بنیاد پڑے گی ۔ انہوں نے کہا کہ احتساب عدالت کے فیصلے سے ثابت ہو گیا ہے کہ صرف نواز شریف ہی نہیں بلکہ پورا ٹبر چور ہے اور قوم لوٹی ہوئی پائی پائی وصول ہونے تک ان کا پیچھا کریں گے ۔ تحریک انصاف کے مرکزی رہنما و حلقہ این اے127سے مریم نواز کے مد مقابل امیدوار جمشید اقبال چیمہ نے کہا ہے کہ کرپشن کی بنیاد رکھنے والے طاقتور خاندان کیخلاف فیصلہ پی ٹی آئی کی انتھک اور لازوال جدوجہد کا نتیجہ ہے،خواہش تھی مریم نواز عدالتی فیصلے سے قبل عوام کی جے آئی ٹی کا سامنا کرتیں ۔ان خیالات کا اظہار انہوں نے احتساب عدالت کے فیصلے کے بعد اپنے مرکزی دفتر میں صحافیوں سے گفتگو کرتے ہوئے کیا ۔
