اسلام آباد (مانیٹرنگ ڈیسک) پاکستان مسلم لیگ (ن) کے قائد میاں نواز شریف نے کہا ہے کہ اگر چوہدری نثار گزارش کریں گے تو انہیں ٹکٹ دیا جائے گا، میاں نواز شریف کا کہنا ہے کہ چوہدری نثار کو ٹکٹ نہ دیا جائے جبکہ شہباز شریف کا کہنا ہے کہ انہیں ٹکٹ دیا جائے، اس حوالے سے چوہدری نثار کا کہنا ہے کہ وہ مسلم لیگ (ن) کی قیادت کو ٹکٹ کے لیے نہیں کہیں گے
اور اگر ن لیگ نے ٹکٹ نہ دیا تو وہ آزاد الیکشن لڑیں گے، ایک نجی ٹی وی چینل کی رپورٹ کے مطابق مسلم لیگ (ن) کے سینئر رہنما چوہدری نثار علی خان کو ٹکٹ دینے کے حق میں پارٹی کے کئی رہنما ہیں جبکہ ایک بڑی تعداد ان کے خلاف بھی ہے۔ نجی ٹی وی کا کہنا ہے کہ اب چوہدری نثار کو ٹکٹ دینے کا فیصلہ ن لیگ کی قیادت نے کرنا ہے۔
