اسلام آباد(آئی این پی ) پاکستان تحریک انصاف کے چیئرمین عمران خان نے نگران وزیراعظم سے بجلی بحران کی صورتحال پرقوم کواعتماد میں لینے کامطالبہ کرتے ہوئے نگران وزیراعظم جسٹس (ر)ناصرالملک سے کو خط لکھ دیا ۔ جمعہ کو مران خان نے نگران وزیراعظم جسٹس(ر)ناصرالملک کو خط لکھ دیا ہے ۔نگران وزیراعظم کو لکھے گئے خط میں عمران خان نے کہا ہے کہ نگران حکومت کی ذمہ داری ہے قوم کواعتماد میں لے،500

ارب گردشی قرض کی رقم سے متعلق درست صورتحال بتائی جائے کیونکہ عوام کا حق ہے انہیں صحیح حقائق کا پتہ چلے ۔ ان کا مزید کہنا تھا کہ قوم کوبتایاجائے پاورسیکٹرمیں ناکامی کاذمہ دارکون ہے؟ تاکہ قوم کوپتہ چلے ان کیساتھ کیے گئے وعدے کس قدرپورے ہوئے ہیں، سابق حکومت لوڈ شیڈنگ ختم کرنے کادعوی کرتی رہی ہے۔