ملتان (مانیٹرنگ ڈیسک) تحریک انصاف کے مرکزی وائس چیئرمین مخدوم شاہ محمود قریشی نے کہا ہے کہ شریف خاندان کو بنی گالہ فوبیا ہو گیا ہے لیکن قائد عمران خان اور پی ٹی آئی (ن) لیگ کے منفی پروپیگنڈوں سے گھبرانے والی نہیں ہے پی ٹی آئی کی بڑھتی ہو ئی
مقبولیت کی وجہ سے (ن) لیگ گھبراہٹ کا شکار ہے اور انہیں مستقبل میں اپنا مستقبل نظر نہیں آرہا ہے ان خیالات کا اظہار انہوں نے سورج کنڈ روڈ رنگیل پور میں پارٹی رہنما حاجی رانا فاروق کی رہائش گاہ پر ان کی عمرہ کی سعادت حاصل کرنے کے سلسلے میں منعقدہ تقریب میں خطاب کرتے ہو ئے کیا جس میں رانا عبد الجبار، حاجی منشاء، راؤ حنیف، رانا شہباز ،رانا واجد، رانا ساجد، رانا اویس، سرفراز بھٹہ، رانا جاوید، ناصر بھٹہ ، رانا فرخ، رانا نعیم، رانا محمد انور ، رانا عبد اللہ سمیت دیگر کارکنان بھی موجود تھے مخدوم شاہ محمود قریشی نے مزید کہا کہ پی ٹی آئی ہی واحد سیاسی جماعت ہے جو حقیقی معنوں میں عوام کے حقوق کے لئے جدوجہد کر رہی ہے یہی وجہ ہے کہ عوام آج پی ٹی آئی کے قائد عمران خان کو نجات دہندہ سمجھتے ہیں انہوں نے کہا کہ کارکن عام انتخابات کی تیاریاں شروع کر دیں اور گھر گھر قائد عمران خان کا پیغام پہنچائیں بہت جلد عمران خان ملتان آئیں گے اور عوامی رابطہ مہم کے سلسلے میں ملتان کی عوام سے خطاب کریں گے ۔ تحریک انصاف کے مرکزی وائس چیئرمین مخدوم شاہ محمود قریشی نے کہا ہے کہ شریف خاندان کو بنی گالہ فوبیا ہو گیا ہے
