چکوال (مانیٹرنگ ڈیسک) محلہ سرگوجرہ تھانہ سٹی کے علاقے میں رنڈوے امام مسجد کو شادی کا جھانسہ دیکر 55ہزار روپے کی رقم بٹور لی گئی۔ فاروق احمد ولد الہٰی بخش ساکن تحصیل بھلوال نے پولیس کو درخواست دی کہ وہ امام مسجد ہے سائل کی بیوی فوت ہو چکی ہے ملزمان محمد اعجاز ، علی عباس ، عدنان اور مسماۃ طاہرہ یاسمین اس کے پاس گئے اور شادی کروانے کا کہا۔ گزشتہ روز اس کے گھر گیا تو
ملزمان نے نشہ آور چیز کھلائی جس سے وہ نیم بے ہوش ہوگیا، ملزمان نے اس کی جیب سے نقدی 20ہزار روپے نکال لیے اورپھر دھوکہ دہی اور شادی کا جھانسہ دیکر35ہزار روپے کی رقم بٹور لی، ملزمان نہ تو شادی کروا رہے ہیں اور نہ ہی رقم واپس کر رہے ہیں۔تقاضہ کرنے پر جان سے مار دینے کی دھمکیاں دے رہے ہیں۔ اے ایس آئی مشتاق احمد نے مقدمہ درج کر کے ملزمان کی تلاش شروع کردی ہے۔
