لاہور ( این این آئی) مسلم لیگ (ن) کے رکن قومی اسمبلی حمزہ شہباز کی اہلیہ ہونے کی دعویدار عائشہ احد ملک نے کہا ہے کہ ناموس رسالتﷺ کی حفاظت ہر مسلمان کا دینی فریضہ ہے ،موجودہ حالات میں قومی یکجہتی ، اتحاد اور بھائی چارے کی اہمیت پہلے سے کہی زیادہ بڑھ چکی ہے ،
ختم نبوت ﷺ پر ایمان نہ رکھنے والا مسلمان نہیں ہو سکتا ،حرمت رسول ﷺ کا تحفظ ہر کلمہ گو کی ذمہ داری ہے ، نبی کریم ﷺ کی سیرت طیبہ امت مسلمہ کے لئے مشعل راہ ہیں۔ اپنے ایک بیان میں انہوں نے کہا کہ موجودہ حکومت نے حساس ترین معاملے کو جان بوجھ کر چھیڑا ،اب حکمرانوں کی ذمہ داری ہے کہ اس میں ملوث افراد کو بے نقاب کرے اور کمیٹی کی رپورٹ فوری شائع کی جائے ۔اگر حکومت بروقت اس مسئلے کو حل کر لیتی تو عوام ملک بھر اتنی بڑی اذیت سے دو چار نہ ہوتے ، موجودہ حکومت ہر محاذ پر ناکام ہو چکی ہے ، جو حکمران عوام کی جان و مال کی حفاظت نہیں کر سکتے انہیں حکمرانی کرنے کا بھی کوئی حق حاصل نہیں ،حکمرانوں کا رویہ مسلسل آمرانہ ہے جس کی وجہ سے ملک و قوم کا نقصان ہو رہا ہے اور ان تمام حالات کی خرابی کی ذمہ داری موجودہ حکمران ہیں، حکمران اپنے جرائم اور چوری چھپانے کی خاطر ملک کو بحرانوں کی طرف دھکیلا جا رہا ہے ۔ عائشہ احد ملک نے میڈیا کے ساتھ اظہار یکجہتی کرتے ہوئے کہا کہ نیوز چینل سوشل میڈیا پر پاپندی بنیادی انسانی حقوق کے منافی ہے آزادی صحافت کی جدو جہد میں تمام صحافی برادری کے شانہ بشانہ کھڑی ہوں اور حکومت کے غیر
