اسلام آباد (این این آئی)عوامی مسلم لیگ کے سربراہ شیخ رشید احمد نے کہاہے کہ حدیبیہ سے ہی فلیٹ سمیت تمام مقدمات نکلے اور نیب اس میں حیلے بہانے سے کام لے رہی تھی ٗدیکھیں گے حدیبیہ پیپرزملزپرنیب ایمانداری سے ریفرنس دائرکرتی ہے یا نہیں۔سپریم کورٹ کے باہر میڈیا سے گفتگو میں شیخ رشید احمد نے کہا کہ تاریخ یاد رکھے گی کہ حدیبیہ کیس تمام جرائم کی ماں ہے ٗ حدیبیہ پیپرزملزکیس شریف خاندان
کیلئے مہلک ثابت ہوگا،تابوت کے ساتھ ثبوت بھی نکلیں گے۔شیخ رشید احمد نے کہا کہ ایل این جی میں شاہد خاقان عباسی اور بڑے بڑے ٹائیکون شامل ہیں ٗ ایل این جی کے معاملے پرقطرجارہا ہوں،اصل دستاویزات لے کرآئوں گا اور ثابت کروں گا کہ ایل این جی اسکینڈل میں شاہدخاقان عباسی پارٹنرہیں۔انہوں نے کہا کہ حدیبیہ پیپرزملز کیس میں اللہ ہمارے ساتھ ہے ٗ شیخ رشید نے دعویٰ کیا کہ ان کی جان کو خطرہ ہے۔
