اسلام آباد(مانیٹرنگ ڈیسک)مجھے مروانا ہے کیا؟صوبائی وزیر قانون رانا ثنا اللہ کامعروف خاتون صحافی و تجزیہ کارعاصمہ شیرازی کی جانب سے ریمنڈ ڈیوس سے متعلق سوال پوچھنے پر جواب۔ تفصیلات کے مطابق نجی ٹی وی پروگرام کے ٹاک شو میں شریک
معروف خاتون صحافی و تجزیہ کار عاصمہ شیرازی نے ٹیلیفونک رابطے کے ذریعے پروگرام میں شریک صوبائی وزیر قانون پنجاب رانا ثنا اللہ سے جب ریمنڈ ڈیوس سے متعلق سوال پوچھا کہ جس وقت امریکی جاسوس کو رہا کیا گیا اس وقت آپ صوبائی وزیر قانون (داخلہ)تھے توآپ بتائیں کہ آپ کو کس نے یرغمال بنا کر امریکی جاسوس کو رہائی دلوائی ، اس حوالے سے آپ بھی کچھ لب کشائی کریں جس پر رانا ثنا اللہ کے کچھ کہنے سے قبل ہی پروگرام کے میزبان محمد مالک نے کہا کہ آپ کیا رانا ثنا اللہ کو مروانا چاہتی ہیں جس پر رانا ثنا اللہ نے کہا کہ ہاں آپ یہ بات صحیح کر رہے ہیں کیا آپ مجھے یہ بات پوچھ کر مروانا چاہتی ہیں؟ابھی یہ وقت نہیں ہے کہ یہ باتیں کی جا سکیں۔ یہ باتیں کرنے کیلئے پہلے بہت کچھ کرنا پڑے گا اور اگر یہ نہ ہوا تو یہ ملک ایسے نہیں چل سکے گا، اب میڈیا آزاد ہے ہر چیز ایکسپوز ہوتی ہے، اب ان قوتوں کو بھی چاہئے کہ وہ ہوش کے ناخن لیں اور اب بیٹھ جائیں اور جو یہ بات ہو رہی ہے گرینڈ ڈائیلاگ کی اس کی میاں نواز شریف نے بھی اس کی حمایت کی ہے۔
