اسلام آ باد(مانیٹرنگ ڈیسک )لاہور کے نجی تعلیمی اداروں میں منشیات کا استعمال دن بدن عام ہونے لگا ، منشیات کے استعمال کی وجہ سے اب تک 5بچوں کی ہلاکت ہو چکی ،اس بات کا انکشاف سینئر اینکر پرسن اور تجزیہ کار مبشر لقمان نے نجی ٹی وی کے پروگرام میں گفتگو کرتے ہوئے کیا۔مبشرلقمان نے کہا ہے کہ اس ہفتے بچوں کے والدین نے مجھ سے درجنوں شکایتیں کی ہیں کہ سکولوں میں منشیات کا استعمال عام ہوچکا ہے۔لاہور میں موجود پرائیوٹ اسکولز میں پچھلے ایک سال کے دوران 5 بچے جاں بحق ہوچکے ہیں۔ان کا مزید کہنا تھا کہ پاکستانی قوم کو نعروں کے بجائے اپنے حقوق کے لئے اٹھ کھڑا ہونا چاہیے ایسے والدین جو اپنے بچوں کے حقوق کے لیے کھڑے نہیں ہوسکتے انکے ضمیربالکل مردہ ہوچکے ہیں۔

موضوعات:مبشر لقمان