اسلام آباد (مانیٹرنگ ڈیسک)حکومت کا پریشر چوہدری نثار کیلئے اینٹی بائیوٹک، اگر نواز شریف جائے گا تو اگلا نمبر عمران خان کا ہے، پانامہ کا فیصلہ پیر یا منگل تک آجائے گا۔پیپلزپارٹی رہنما و قومی اسمبلی میں اپوزیشن لیڈر خورشید شاہ کی سکھر میں میڈیا نمائندوں سے گفتگو۔ تفصیلات کے مطابق میڈیا نمائندوں سے گفتگو کرتے ہوئے پیپلزپارٹی کے رہنما و قومی اسمبلی میں اپوزیشن لیڈر خورشید شاہ نےسیاسی مخالفین کو
آڑتے ہاتھوں لیتے ہوئے کہا ہے کہ حکومت کا پریشر چوہدری نثار کیلئے اینٹی بائیوٹک ہے، اللہ چودھری نثار کو درد سے نجات دلائے۔ان کا کہنا تھا کہ پانامہ کیس کا فیصلہ پیر یا منگل تک آجائے گا، نواز شریف گئے تو اگلا نمبر عمران خان کا ہے، نیب کے جتنے کیسز ہوتے ہیں وہ سندھ میں ہوتے ہیں، پنجاب میں نیب چپ ہو گیا ہے، سپریم کورٹ کے نیب کے بارے میں ریمارکس سب کے سامنے ہیں۔
