اسلام آباد (آن لائن) وزیراعظم نواز شریف کی زیر صدارت مشاورتی اجلاس میں انوشہ رحمن نے پرچی دے کر وزیر خزانہ کے پسینے چھڑوا دیئے ہیں۔ کرسی پر مسلسل کروٹ بدلنے کے باعث وزیرعظم نے پرچی کا معاملہ پوچھ ہی لیا۔ ڈار صاحب کچھ سانوں وی دسو، کیا پرچیاں ملی ہیں۔ دلچسپ صورتحال اس وقت پیدا ہوئی جب وزیر مملکت سائنس و ٹیکنالوجی انوشہ رحمن نے چیئر مین ایس ای سی پی ظفر حجازی کی گرفتاری سے متعلق لکھ کر وزیر خزانہ اسحاق ڈار کو ایک پرچی بھجوائی

تو وزیر خزانہ اسحاق ڈار نے پرچی پڑھتے ہی کرسی پر کروٹیں بدلنا شروع کر دیں اور یخ بستہ ہال میں پسینے آنا شروع ہو گئے۔ وزیر خزانہ کی بے چینی کو دیکھ کر وزیراعظم میاں محمد نواز شریف نے استفسار کیا کہ ڈار صاحب کچھ سانوں وی دسو، کیا پرچیاں ملیاں نیں، اسحاق ڈار نے بتایاکہ آل رائٹ سر، بس ظفر حجازی سے متعلق تھی کہ وہ گرفتار ہو گئے ہیں۔ وزیراعظم نے کہا وہ تو کافی دیر پہلے کا معاملہ ہے آپ کو ابھی معلوم ہوا ہے۔

موضوعات:وزیر خزانہ