لاہور( این این آئی)افریقی ملک ایتھو پیا کے دارالحکومت ادیس ابابا سے بیجنگ جانے والی پرواز کوہنگامی طور پر لاہور ائیر پورٹ پر اتار لیا گیا ، ایمبولینسزاور ائیر پورٹ سکیورٹی کی گاڑیاں فوری جہاز کے قریب پہنچ گئیں ۔بتایا گیا ہے کہ ایتھو پیا کے دارالحکومت ادیس ابابا سے پرواز مسافروں کو لے کر بیجنگ جارہی تھی کہ دوران پرواز دو مسافروں میں شدید جھگڑا ہو گیا اور کپتان کے لئے پرواز اڑانا مشکل ہو گیا ۔ کپتان نے
نزدیک ترین لاہور ائیر پورٹ کے کنٹرول ٹاور سے رابطہ کر کے ہنگامی لینڈنگ کی اجازت طلب کی ۔ اطلاع ملنے پر ایمبولینسز اور ائیر پورٹ سکیورٹی فورس کی گاڑیاں بھی جہاز کے قریب پہنچ گئیں ۔ کپتان کی شکایت پرایک مسافر کو حراست میں لے لیا گیا جو خود بھی شدید زخمی تھا اور اسے فوری طبی امداد دی گئی ۔ذرائع کے مطابق ایتھوپئن ائیر لائن کے پائلٹ نے جھگڑا کرنے والے دونوں چینی مسافروں کو لیجانے سے انکار کر دیا
