اسلام آباد(مانیٹرنگ ڈیسک)رینجرز کی پنجاب کے متعدد علاقوں میں کارروائی، 7افراد گرفتار، گرفتاریوں کو اہم قرار دے دیا گیا۔تفصیلات کے مطابق پنجاب رینجرز نے صوبے کے سرحدی علاقوں میں خصوصی آپریشن کے دوران “را” سے تعلق کے شبے میں7افراد کو حراست میں لےلیا ہے۔ حراست میں لئے گئے افراد کو نامعلوم مقام پر منتقل کردیاگیا ہے۔

رینجرز اور سپیشل انویسٹی گیشن یونٹ کی یہ مشترکہ کارروائی لاہور، شیخوپورہ، نارووال اور سیالکوٹ کے سرحدی علاقوں میں کی گئی ۔میڈیارپورٹس کے مطابق لاہور سے ایک ، شیخوپورہ سے 2جبکہ 3 افراد کو نارووال کے سرحدی علاقوں سے حراست میں لیا گیا۔حساس ادارے ان افراد پر کئی دنوں سے نظر رکھے ہوئے تھے۔خدشہ ظاہر کیا جا رہا ہے کہ یہ افراد یا تو دہشتگردوں کے سہولت کار کا کردار ادا کر رہے تھے یا ان کے سہولت کاروں سے گہرے مراسم ہیں ۔حساس اداروں کی رپورٹ کے مطابق ان افراد کا غیر قانونی طور پر سرحد عبور کر کے بھارت آنا جانا تھا۔رینجرز کے انٹیلی جنس یونٹ نے زیر حراست افراد سے تفتیش شروع کر دی ہے۔

موضوعات:پاک رینجرز