اسلام آباد(آئی این پی )وفاقی وزیر ترقی و منصوبہ بندی احسن اقبال نے کہا ہے کہ آزاد کشمیر میں ترقیاتی منصوبوں کی بروقت تکمیل کے لئے فنڈز کے اجراء کو یقینی بنایا جائیگا، میرپور ۔ مظفر آباد ۔ مانسہرہ شاہراہ ایک انقلابی منصوبہ ہے اور اس منصوبے سے آزاد کشمیر کا علاقہ سی پیک سے جڑ جائیگا۔ ان خیالات کا اظہار انہوں نے ہفتہ کو وزیر اعظم آزاد کشمیر راجہ فاروق حیدر سے ملاقا ت کے دوران کیا ۔ ملاقات میں آزاد جموں و کشمیر کے ترقیاتی منصوبوں پر تبادلہ خیال کیا گیا ۔ وزیر اعظم آزاد کشمیر راجہ فاروق حیدر نے سی پیک کے مشترکہ تعاون کمیٹی کے 6ویں کامیاب اجلاس پر وزیر ترقی و منصوبہ بندی کو مبارکباد دی ۔