پاراچنار(این این آئی)فورسز نے افغانستان سے کرم ایجنسی میں گدھے کے ذریعے بارودی مواد پہنچانے کی کوشش ناکام بنادی ،فائرنگ سے بارود سے لدھا گدھا ہلاک ہوگیا۔

سرکاری ذرائع کے مطابق افغانستان کے صوبے پکتیا سے دھشتگرد ایک گدھے پر بارودی مواد کرم ایجنسی پہنچانے کی کوشش کررہے تھے کہ خرلاچی چیک پوسٹ پر فورسز کو شک گزرا۔ اس دوران گدھے کیساتھ آنیوالا دہشتگرد افغانستان کی طرف بھاگ گیا جبکہ گدھے پر فورسز نے فائرنگ کردی جس سے گدھے پر لدھا بارود زوردار دھماکے کیساتھ پھٹ گیا اس طرح پاکستانی حدود میں بارودی مواد لانے کی کوشش ناکام بنادی گئی۔

اس سے پہلے بھی 22 نومبر کو افغانستان کے صوبہ پکتیا سے ایک خودکش حملہ آور کرم ایجنسی میں داخل ہونے کو شش کررہاتھا جس کو فورسز نے ناکام بناتے ہوئے کرم ایجنسی کے احاطے میں داخل ہونے سے روک دیا جس پر خودکش حملہ آور نے خود کو دھماکے سے اڑا دیاتھا۔