اسلام آباد(آن لائن)رینجرز سمیت سکیورٹی اداروں کا اسلام آباد کے نواحی علاقے بھارہ کہو میں کومبنگ اور سرچ آپریشن کے دوران 23افراد کو گرفتار کرلیا گیا ، گرفتار کیے گئے افراد میں چار افغانی باشندے شامل ہیں۔ذرائع کے مطابق رینجرز ،پولیس اور حساس اداروں کے اہلکاروں نے مشترکہ طور پر اسلام آباد کے علاقے بھارہ کہو میں کومبنگ اور سرچ آپریشن کیا اس دوران 23مشکوک افراد کو حراست میں لیا گیا جن میں چار افغانی شہری بھی شامل ہیں جن میں سے تین کے پاس افغان شناختی کارڈ بھی تھے اور ایک کارڈ کے بغیر تھا اس کے علاوہ چھ افراد ایسے بھی تھے جن کے پاس پاکستانی شناختی کارڈ نہیں تھے ۔گرفتار افراد سے 14پستول30بور جن میں سے دو کے لائسنس تھے ۔
اس کے علاوہ 26 گولیاں برآمد کی گئی ہیں، ذرائع کے مطابق گرفتار افراد کو مزید تفتیش کیلئے تھانے منتقل کردیا گیا ہے۔

موضوعات:کومبنگ آپریشن