میاں چنوں( آئی این پی) 15نومبر کو لاہور سے چلنے والا پیدل حج کارواں میاں چنوں پہنچ گیا،میاں چنوں پہنچنے پر پاکستان کسا ن اتحاد کی طرف سے شاندار استقبال کیا گیا،اس موقع پرحج قافلہ کے امیر سید اظہر حسین شاہ ایڈووکیٹ نے بتایا کہ حج پیدل کارواں کا مقصد پوری دنیا کو امن کا پیغام دینا ہے،کیونکہ امن کے بغیر دنیا میں رہنے کا کوئی فائدہ نہیں،آج کے دور میں امن و امان کی کمی کی وجہ سے فساد بڑھتے جا رہے ہیں ،اس لئے ہمیں امن قائم کرنے کیلئے اپنا کردار ادا کرنا ہوگا،اُنہوں نے کہا کہ پید ل کارواں ایران ،عراق، کویت سے ہوتا ہوا اگست میں سعودیہ پہنچ جائے گا ،کاروں میں کاشر اقبال گجر،حاجی احمد،رانا ریاض احمد،حافظ بلا ل شریک ہیں۔