اسلام آباد(مانیٹرنگ ڈیسک)معروف اداکارہ وینا ملک اور ان کے شوہر اسد خٹک بھی کپتان کی حمایت میں میدان میں آگئے، اسد خٹک نے اسلام آباد ڈاؤن کے لئے نیا پارٹی ترانہ بھی تیار کرلیا ہے۔دونوں میاں بیوی کا کہنا تھا کہ پہلے بھی کپتان کا ساتھ دیا، اب بھی پیچھے نہیں ہٹیں گے، اسد خٹک نے مشن لاک ڈاون کے لئے نیا ترانہ بنا لیا۔اسد خٹک کہتے ہیں کہ وہ گرفتاری سے ڈرنے والے نہیں،۔ کپتان کی کال پر اسلام آباد ضرور جائیں گے۔ وینا ملک نے پی ٹی آئی کے کارکنوں کی گرفتاری پر حکومت کو تنقید کا نشانہ بنایا۔
واضح رہے کہ پاکستان تحریک انصاف سے ہمدردی رکھنے والے ٹی وی اداکار کاشف محمود کو گرفتار کرلیا گیا، واصف محمود کا کہنا ہے کہ کاشف محمود کو پولیس اہلکار گھسیٹتے ہوئے اپنے ساتھ لے گئے۔ذرائع کے مطابق پنجاب حکومت نے پاکستان تحریک انصاف کے ہمدردوں اور کارکنوں کیخلاف بھرپور کریک ڈاؤن شروع کردیا ہے۔ لاہور میں کارروائی کرتے ہوئے ٹیلی ویژن کے معروف اداکار کاشف محمود کو دھرنے میں شرکت سے روکنے کیلئے گرفتار کرلیا گیا۔واصف محمود کا کہنا ہے کہ پولیس نے کاشف محمود کے گھر پر چھاپہ مارا گیا ، سیڑھیاں لگا کر گھر میں داخل ہوئی اور کاشف کو گھسیٹتے ہوئے اپنے ساتھ لے کر گئی تاہم انہیں تھوڑی دیر بعد رہا بھی کر دیا گیا

موضوعات:2 نومبر دھرنا عمران خان وینا ملک