اسلام آباد(مانیٹرنگ ڈیسک) عوامی مسلم لیگ کے سر براہ شیخ رشید احمد نے کہا ہے کہ نوازشر یف کے تقر یر میں انکے اندر کا خوف صاف نظر آیا ہے ‘نوازشر یف نے پانامہ لیکس کے متعلق اٹھنے والے سوالوں میں سے کسی ایک بھی جواب نہیں دیا ‘(ن) لیگ اپنے پاؤں پر کلہاڑی مار رہی ہے ‘2نومبر کو سب دیکھ لیں گے عوام زبردستی نہیں اپنی مر ضی سے نوازشر یف کے خلاف سڑکوں آئے ہیں۔ منگل کے روز عوامی مسلم لیگ کے سر براہ شیخ رشید احمد نے کہا کہ نوازشر یف نے کنونشن سنٹر میں جو باتیں کیں ا ن سے صاف نظر آیا ہے کہ نوازشریف2نومبر کے احتجاج کی وجہ سے خوف کا شکار ہے، نواز شریف عمران خان کی اپیل پر ایک ہی دن میں کروڑوں روپے جمع ہونے سے خوفزدہ ہو گئے ہیں۔ نواز شریف کو خوف ہے کیونکہ انکو بھی پتہ لگ رہا ہے کہ انکے اقتدار کے دن ختم ہونیوالے ہیں۔ انہوں نے کہا کہ پانامہ لیکس کسی بھی صورت نوازشر یف کا پیچھا نہیں چھوڑ ے گا اور (ن) لیگ جس طر ح کی سیاست کر رہی ہے اس سے وہ اپنے پاؤں پر ہی کلہاڑی مار رہی ہے۔ واضح رہے کہ چیئرمین تحریک انصاف عمران خان کی چندے کی ویڈیواپیل نشر ہونے کے بعد کھلاڑیوں نے پیسوں کی برسات کر دی، دبئی سے ایک کارکن نے پچاس ہزارروپے بھی چندہ دیا جبکہ مجموعی طور پر پہلے ہی روز پارٹی فنڈ میں چارکروڑروپے سے زائد جمع ہوئے۔

موضوعات:2 نومبر دھرنا عمران خان نواز شریف