اسلام آباد(مانیٹرنگ ڈیسک)ہائیر ایجوکیشن کمیشن نے مختلف جامعات میں چلنے والے 31 پی ایچ ڈی اور 26 ایم فل پروگرامز بند کردیئے۔ ایچ ای س کے مطابق جامعات کی جانب سے مقاصد کے حصول کی ناکامی پر یہ پروگرامز بند کیے گئے۔ایچ ای سی کے چیئرپرسن ڈاکڑ مختار احمد نے پریس کانفرنس سے خطاب کرتے ہوئے کہاکہ ایچ ای سی بہتر اور معیاری تعلیم کے فروغ کیلئے ہمیشہ سرگرم رہتی ہے، تاہم ان اصولوں پر کاربند نہ رہنے والی جامعات کے خلاف کارروائی بھی کی جاتی ہے۔ڈاکٹرمختارنے کہاکہ ایچ ای سی آرڈیننس میں تبدیلی اور بہترین لانے کیلئے بھی کام کیا جا رہا ہے، اپنے حالیہ مختلف سرکاری اور نجی جامعات کے دوروں سے متعلق چیئرپرسن ایچ ای سی کا کہنا تھا کہ غیر معیاری ریسرچ اور تعلیم کے بعد 56 پی ایچ ڈی اور دس ایم فل پروگرامز کو بند کردیا گیا ہے۔ایچ ای سی کی جانب سے مختلف جامعات کی نگرانی اور ان کے معیار سے متعلق بھی جانچ پڑتال جاری ہے، نئی رپورٹ کے مطابق 21 ایم فل، جب کہ 195 پی ایچ ڈیز میں مختلف خامیوں کی نشاندہی کی گئی ہے۔نجی ٹی وی نے دعوی کیاہے کہ ایچ ای سی ذرائع کے مطابق اقرا نیشنل یونیورسٹی پشاور، یونیورسٹی آف ایگری کلچر فیصل آباد، بہاؤالدین ذکریا یونیورسٹی ملتان، بیکن ہاؤس نیشنل یونیورسٹی لاہور اور نیشنل ڈیفنس یونیورسٹی اسلام آباد سمیت مختلف جامعات میں ایم فل اور پی ایچ ڈی پروگرامز کو بند کردیا گیا ہے۔

موضوعات:ایچ ای سی