لاہور( این این آئی)پنجاب حکومت کے ترجمان زعیم حسین قادری نے کہا کہ احتجاج کرنا پاکستان تحریک انصاف کا بنیادی حق ہے ،تحریک انصاف نے تحریری طور پر ضلعی انتظامیہ کو بتایا ہے کہ وہ وزیراعظم کی رہائشگاہ کا رخ نہیں کریں گے اورہمیں اعتماد ہے کہ وہ اس کی خلاف ورزی نہیں کریں گے۔ایک انٹر ویو میں زعیم قادری نے کہا کہ پی ٹی آئی نے اڈا پلاٹ پر جلسہ کرنے کی یقین دہانی کرائی ہے اور ہمیں امید ہے کہ عمران خان نے جو بات کہی ہے وہ اس پر قائم رہیں گے لیکن آخری وقت میں ان کا فیصلہ تبدیل ہوگیا تو کچھ کہہ نہیں سکتیلہٰذاجلسہ گاہ سے آگئے جانے کی کسی کو بھی اجازت نہیں ہوگی۔انہوں نے کہا کہ اگر کسی نے آگے جانے کی کوشش کی تو سکیورٹی اہلکار وزیراعظم کے گھر کی حفاظت کریں گے اور کارکنان کو اس معاملے میں دور رہنے کی ہدایت کی گئی ہے۔