لاہور(آئی این پی) عوامی مسلم لیگ کے سربراہ شیخ رشید احمد نے کہا ہے کہ (ن) لیگ رائے ونڈ مارچ سے پہلے ہی جنگ ہار چکی ہے ‘حکومتی وزراء جمہو ریت یا حکومت نہیں نوازشر یف اور انکے خاندان کی کر پشن بچانے کی ناکام کوشش کر رہے ہیں ‘(ن) لیگ کو ’’ڈنڈے سوٹے‘‘ کی سیاست مہنگی پڑ گی ‘عمران خان اور عوام سڑکوں پر آنے کیلئے تیار ہے ۔ پیر کو میڈیا سے گفتگو کرتے ہوئے عوامی مسلم لیگ کے سربراہ شیخ رشید احمد نے کہا کہ (ن) لیگ کو سمجھ آچکی ہے کہ ان کے برے دن آنیوالے ہیں اسی لیے وہ لاٹھی اور گولی کی سیاست سے حالات کو کنٹرول کر نے کی کوشش کر رہے ہیں جسکے حکمرانوں کیلئے انتہائی سنگین نتائج نکلیں گے اور انکو الینے کے دینے پڑ جائیں گے ۔ انہوں نے کہا کہ (ن) لیگ جس طر ح بوکھلائٹ کاشکار ہو چکے ہیں اسکے بعد اس بات میں کوئی شک نہیں (ن) لیگ رائے ونڈ مارچ سے پہلے ہی جنگ ہار رہی ہے اور اگر وہ اسی طر ح بے وقوفیاں کر تے رہے تو نہ جانے (ن) لیگ اپنے ساتھ کیا کرلیں اس لیے انکو جوش کی بجائے ہوش سے کام لینا چاہیے ۔سیاسی ماہرین کاکہناہے کہ شیخ رشید نے حکومت کی جوخامیاں بتائی ہیں وہ دراصل حکومت کی بے وقوفیاں ہی ہیں ۔

موضوعات:شیخ رشید