گوجرانوالہ (این این آئی)نندی پور پاور پراجیکٹ ،لاپتہ ہونیوالا اہم افسردھرلیاگیا،بڑے بڑوں کے ہوش اُڑ گئے، نندی پور پاور پراجیکٹ میں آئل ٹینکرز سے متعلقہ ریکارڈ ضائع کیے جانے مقدمے میں پولیس نے سابق سیکورٹی انچارج کیپٹن ریٹائرڈ مہتاب عالم کو حراست میں لے لیا ۔پولیس کے مطابق حراست میں لیے گئے مہتاب عالم مقدمے کے مدعی ہیں ٗجو ایک ہفتہ قبل پاور پراجیکٹ سے پراسرار طور پرلاپتہ ہو گئے تھے۔سٹی پولیس آفیسر وقاص نزیر کے مطابق مہتاب عالم سے تفتیش کیلئے جائے وقوعہ سے ملنے والے شواہد کی روشنی میں5سوال تیار کیے گئے ہیں اگر دوران تفتیش مہتاب عالم نے ان سوالات کے تسلی بخش جواب نہ دئیے تو انہیں باقاعدہ گرفتار کر لیا جائیگا۔ کچھ روز قبل نامعلوم افراد نے نندی پور پاور پراجیکٹ کے ریکارڈ روم میں موجود آئل ٹینکرز سے متعلقہ ریکارڈ پھاڑ دیا تھاجس کا مقدمہ تھانہ اروپ میں درج ہے۔

موضوعات:نندی پور پاور پراجیکٹ