لاہور (این این آئی )تحریک انصاف کے ایک اور دھڑے کی جہانگیر ترین کے خلاف بغاوت ، کارکنوں کا جہانگیر ترین کو عہدے سے ہٹانے کیلئے عمران خان کو خط لکھ دیا ۔تفصیلا ت کے مطابق پاکستان تحریک انصاف کے ایک اور دھڑے نے بھی جہانگیرترین کے خلاف بغاوت کا اعلان کرتے ہوئے تحریک انصاف یو تھ ونگ کے بعد پارٹی کے بعض کارکنان نے بھی جہانگیر ترین کو سیکرٹری جنرل ماننے سے انکارکر دیاہے اور اس حوالے سے پارٹی کے چیئرمین عمران خان کو ایک تفصیلی خط بھی لکھ دیا ہے ۔ خط میں موقف اختیار کیا گیا ہے کہ جہانگیر خان ترین کو سیکرٹری جنرل تسلیم نہیں کرتے، اس لیے ان کو عہدے سے ہٹایا جائے ،جہانگیرترین نے پارٹی میں ہارس ٹریڈنگ کاکلچر متعارف کرایا ، جہانگیر ترین نے پارٹی عہدہ ہمیشہ ذاتی مفاد کیلئے استعمال کیا۔ کارکنوں کا دعویٰ ہے کہ خط پارٹی چیئرمین عمران خان کو بھجوادیا گیا ہے۔