اسلام آباد (مانیٹرنگ ڈیسک)قربانی کے لیے جانور خریدنا ہے تو بینک سے آج ہی پیسے نکال لیں کیونکہ آج تمام بینک کھلیں گے اور پھر چھٹیاں ہی چھٹیاں ہوں گی،اے ٹی ایمز کام کریں نہ کریں کوئی بھروسہ نہیں۔ملک بھر میں ان دنوں عید ِقرباں کی تیاریاں جاری ہیں، قربانی کے لیے جانور خریدنے کے خواہش مند مویشی منڈیوں کا رخ کررہے ہیں۔صارفین کی سہولت کے لیے اسٹیٹ بینک نے تمام بینکوں کو اپنی تمام شاخیں آج کھولنے کی ہدایت کی ہے ۔مرکزی بینک کے اعلامیہ کے مطابق تمام کمرشل اور مائیکرو فنانس بینکوں کی تمام شاخیں آج شام ساڑھے پانچ بجے تک عوام کو بینکاری خدمات کی فراہمی کے لیے کھلی رہیں گی۔اس دوران مویشی خریدنے کے خواہش مند یا دیگر ضروریات کے لیے عوام بینکوں کا رخ کرسکتے ہیں۔اسٹیٹ بینک نے بینکوں کو عیدالاضحی ٰ کی چھٹیوں کے دوران اے ٹی ایم سروس کی بلاتعطل فراہمی کی بھی ہدایت کی ہے۔ اس سلسلے میں بینکوں سے کہا گیا ہے کہ رقوم کی موجودگی کا جائزہ لینے کے لیے اے ٹی ایم کی مسلسل نگرانی کی جائے۔

موضوعات:بینک عید