اسلام آباد(مانیٹرنگ ڈیسک) پاکستان مسلم لیگ (ن) کے رہنما طلال چوہدری نے قومی اسمبلی میں عمران خان کی تقریر پر رد عمل دیتے ہوئے کہا کہ دوسرے سے حساب مانگنے والے عمران خان نے اپنی بنی گالہ زمین کے بارے میں ہماری جانب سے پوچھے گئے سوالات کا آج بھی جواب نہیں دیا۔
تفصیلات کے مطابق عمران خان کی قومی اسمبلی میں دھواں دار تقریر کے بعد اس پر تبصرہ کرتے ہوئے پاکستان مسلم لیگ نون کے رہنما اور ممبر قومی اسمبلی طلال چوہدری نے ایک بار پھر اپنا الزام دہراتے ہوئے کہا ہے ہے عمران خان نے قومی اسمبلی میں پوچھے گئے بنی گالہ زمین کے بارے میں سوال کا جواب آج بھی نہیں دیا۔ ان کا کہنا تھا کہ جس مدعے پر سپیکر نے ریفرنس بھیجا اس پر عمران خان جواب ہی نہیں دے رہےان کا کہنا تھا کہ سوالات اور ریفرنس کا جواب ان کے پاس نہیں ہے اسی لئے یہ ایوان سے فرار ہوے۔ انہوں نے کہا کہ عمران خان کو چاہئے کہ پہلے اپنے اوپر لگائے گئے الزامات کا جواب دیں اس کے بعد ہی وزیراعظم یا کسی اور پر الزامات لگانے کے بارے میں سوچیں۔
