لاہور(آن لائن)وفاقی وزیر اطلاعات و نشریات پرویز رشیدنے کہا ہے کہ تحریک انصاف کو رائیونڈ میں بے گناہوں پر حملہ مہنگا پڑے گا اور گھر پر دھاوا بولنا عمران خان کی بڑی حماقت ہو گی، مسلم لیگ(ن) کپتان کے حملے کا حکمت عملی سے جواب دے گی ،وزیراعظم کیخلاف تحریک انصاف انصاف کے ریفرنس میں جان ہوتی تو سپریم کورٹ اسے کیوں رد کرتی۔ میڈیا سے گفتگو کرتے ہوئے پرویز رشید نے حکومت نے عمران خان کے رائے ونڈ مارچ کو حماقت قرار دیتے ہوئے اس کا حکمت عملی سے جواب دینے کااعلان کر دیا ہے۔پرویز رشید نے کہا کہ عمران خان سیاسی گناہ گاروں کا ہجوم لیکر رائیونڈ کے بے گناہوں پر حملہ کرنا چاہتے ہیں۔
تحریک انصاف کی سیاست کو بے گناہوں پر حملہ مہنگا پڑے گا اور عمران خان کی یہ سب سے بڑی حماقت ہو گی ۔ہم اس کا جواب اپنی حکمت عملی سے دینگے ۔پرویز رشید نے کہا کہ اسپیکر نے پی ٹی آئی کے ریفرنس پر وہی فیصلہ کیا جو سپر یم کورٹ نے کیا۔ ریفر نس میں جان ہوتی تو سپریم کورٹ اسے کیوں رد کرتی۔ پرویز رشید نے واضح کیا کہ الیکشن کمیشن میں پی ٹی آئی کا وزیراعظم کے خلاف ریفرنس پہلے سے موجود ہے۔

موضوعات:پرویز رشید تحریک انصاف