اسلام آباد(مانیٹرنگ ڈیسک)چیئرمین تحریک انصاف عمران خان نے کہا ہے کہ ہم رائیونڈ اس لئے جا رہے ہیں کہ وزیر اعظم نے اربوں روپے کی کرپشن کی اور رنگے ہاتھوں پکڑا گیا ہے ‘ بنی گالہ آنے کی دھمکی دینے والے مجھے جانتے نہیں اور کیا سمجھتے ہیں د ھمکی دیں گے تو میں پچھے ہٹ جاؤں گا۔ منگل کو چیئرمین تحریک انصاف عمران خان نے میڈیا سے گفتگو کرتے ہوئے کہا کہ آج یوم دفاع کا دن ہے۔ اس موقع پر پاکستانیوں کو متحد ہونے کی ضرورت ہے۔ متحدہ کے قائد نے ’’را‘‘ سے مل کر کراچی کا امن تباہ کر دیا اس وجہ سے کراچی کے تاجر اپنا کاروبار چھوڑ کر بیرون ملک چلے گئے ہیں۔ انہوں نے کہا کہ میں مہاجروں کو پیغام دیتا ہوں کہ میں آپ کے ساتھ ہوں۔ میری والدہ محترمہ ہجرت کر کے پاکستان آئی تھیں جو ہجرت کر کے آتا ہے وہ زیادہ محب وطن ہوتا ہے۔ عمران خان نے کہا کہ ہم رائے ونڈ کی طرف اپنے مطالبات لے کر جا رہے ہیں کیونکہ وزیر اعظم نواز شریف اربوں روپے چھپا کر رنگے ہاتھوں پکڑا گیا ہے بنی گالہ آنے کی دھمکی دینے والے مجھے جانتے ہیں دھمکی دے کر کیا سمجھتے ہیں میں پیچھے ہٹ جاؤں گا میں نے کوئی چیز نہیں چھپائی مجھے بلیک میل کیا جا رہا ہے۔ عمران خان نے کہا کہ رائے ونڈ مارچ میں شرکت کیلئے پاکستان بھر کے لوگوں کو بلاؤنگا۔ پی ٹی آئی کے ٹکٹ پر منتخب ہونے والے عوام کی خدمت کریں۔

موضوعات:عمران خان