کراچی(مانیٹرنگ ڈیسک)سٹی کونسل کے باہر تحریک انصاف کے رہنما عمران اسماعیل کو میڈیا سے بات کرنے سے روک دیا گیا۔اس دوران انھیں شدید دھکے دئیے گئے۔سٹی کونسل کے باہر بلدیاتی انتخابات کے موقع پر عمران اسماعیل میڈیا سے بات کرنے آئے تو ان پر ن لیگ کے کارکنان نے دھاوا بول دیا۔ انھیں ن لیگ کے مشتعل کارکنان نے شدید دھکے دیئے۔ اس موقع پر شدید نعرے بازی ہوئی۔
ن لیگ کے کارکنان کا کہنا تھاکہ ہمارا امیدوار کیسے ہارا اور تمہارا امیدوار کیسے جیت گیا۔ ن لیگ کے امیدوار امان اللہ آفریدی نے ہاتھ سے مائیک بھی گرادئیے۔ امان اللہ کا کہنا تھا کہ پاکستان تحریک انصاف نے غداری کی ہے۔ اس وجہ سے ایم کیو ایم کا امیدوار جیتا۔ ان کا کہنا تھاکہ ایسے غدار جب ہونگے تو کیسے ملک چلے گا۔