اسلام آباد(نیوزڈیسک) وفاقی وزیرخزانہ اسحاق ڈار نے چیئرمین تحریک انصاف عمران خان کو اثاثوں کے فورنزک آڈٹ کی پیشکش کردی ہے۔ایک انٹرویو وزیرخزانہ اسحاق ڈار نے چیئرمین تحریک انصاف عمران خان کو کھلا چیلنج دیتے ہوئے پیشکش کی کہ وہ اپنے اثاثوں کے فرانزک آڈٹ کے لئے تیار ہیں،عمران خان بھی اپنے اثاثوں کی تفصیلات پیش کریں اور اس کا فورنزک آڈٹ کرائیں۔اسحاق ڈار نے کہاکہ عمران خان کا کوئی بھی چیلنج قبول کرنے کو تیار ہوں، عمران خان اور میرے 20 سالوں کے اثاثوں کا فورنزک آڈٹ کرالیا جائے ٗ اگر مجھ پر لگے الزامات ثابت ہوئے تو سیاست چھوڑ کر سزا بھگتنے کو تیار ہوں اور اگر الزامات ثابت نہ ہوئے تو عمران خان بطور سزا سیاست چھوڑ دیں گے۔