اسلام آباد(نیوزڈیسک) تحریک انصاف کے سینئر رہنما جہانگیر ترین نے کہا ہے کہ زندگی میں کبھی کوئی قرضہ معاف نہیں کرایا، سٹیٹ بینک اپنے 2013 کے خط کو معافی کے ساتھ واپس لے چکا ہے۔میڈیا سے گفتگو کرتے ہوئے جہانگیر خان ترین نے کہاکہ حکومت کی طرف سے ان کے بارے میں جعلی خبریں پھیلائی جا رہی ہیں ٗثبوتوں کے ساتھ تمام دستاویزات میڈیا کو پیش کردیں گے ، جس خط کو بنیاد بنا کر الزامات لگائے جارہے ہیں ، وہ خط ہی سٹیٹ بینک معذرت کے ساتھ واپس لے چکاہے ۔ یادرہے کہ اطلاعات تھیں کہ جہانگیر ترین کی کمپنیوں نے چار کروڑ اٹھانوے لاکھ روپے کے قرضے معاف کرائے ہیں اور اس ضمن میں مقامی میڈیا ایک مبینہ خط کی کاپی بھی سامنے لے آیا تاہم جہانگیر ترین نے موقف اپنایا کہ یہ خط واپس لیا جاچکاہے ۔