اسلام آباد( نیوزڈیسک)اسلام آباد ہائیکورٹ نے وفاقی دارالحکومت میں بلدیاتی انتخابات روکنے سے متعلق تحریک انصاف کی درخواست مسترد کر دی۔ عدالت نے قرار دیا ہے بلدیاتی انتخابات سے متعلق معاملہ سپریم کورٹ میں زیر سماعت ہے ، ہائیکورٹ مداخلت نہیں کر سکتی۔ تفصیلات کے مطابق اسلام آباد ہائی کورٹ کے جسٹس نور الحق قریشی اور جسٹس عامر فاروق پر مشتمل دو رکنی بینچ نے کیس کا فیصلہ سنایا۔ وفاقی دارالحکومت میں بلدیاتی انتخابات روکنے سے متعلق تحریک انصاف کے اسد عمر اور الیکشن میں حصہ لینے والے امیدواروں نے درخواستیں دائر کر رکھی تھیں۔ اسد عمر اور بلدیاتی انتخابات کے امیدواروں نے ڈرافٹ بل کی بنیاد پر ہونے والے الیکشن کو چیلنج کیا تھا۔ عدالت نے غیر جماعتی بنیادوں پر الیکشن کرانے کیخلاف درخواست مسترد کر دی جبکہ قانون سازی کیے بغیر ڈرافٹ بل پر ہونے والے انتخابات کیخلاف درخواستیں بھی مسترد کر دی گئیں۔ جسٹس نور الحق قریشی نے ریمارکس دیئے کہ کیا سپریم کورٹ کے احکامات کی عدالت عالیہ تشریح کر سکتی ہے؟ عدالت کا کہنا تھا کہ بلدیاتی انتخابات سے متعلق معاملہ سپریم کورٹ میں زیر سماعت ہے ، ہائیکورٹ مداخلت نہیں کر سکتی۔ دوسری طرف سماعت کے بعد میڈیا سے گفتگو میں تحریک انصاف کے وکیل شعیب شاہین نے کہا کہ وہ فیصلے کے خلاف سپریم کورٹ سے رجوع کریں گے۔ ان کا کہنا تھا کہ عدالت نے فیصلہ میرٹ کی بجائے سپریم کورٹ کے الیکشن کرانے کے احکامات کو سامنے رکھتے ہوئے کیا ہے۔
اسلام آباد میں بلدیاتی انتخابات روکنے کے متعلق تحریک انصاف کی درخواست مسترد
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
بوسنیا میں چار دن
-
سونے کی فی تولہ قیمت میں آج بھی بڑی کمی
-
زہریلی کھیر کھانے سے خاندان کے 5 افراد کی ہلاکت کا ڈراپ سین، بیٹی سمیت 4 ملزم گرفتار
-
سونے کی قیمت میں مسلسل کمی، 14 ماہ کی کم ترین سطح پر پہنچ گئی
-
غیر ملکیوں کا ڈیٹا لیک کرنے کے ملزم نے گلا کاٹ لیا
-
دلہن کی سرکاری نوکری کا بھانڈا پھوٹنے پر دولہا نے شادی توڑ دی
-
سوشل میڈیا انفلوئنسر سے زبردستی شادی کیلیے گھر آنے والا مداح اہلخانہ کے تشدد سے ہلاک
-
نئی آٹو پالیسی سے 660 سی سی گاڑیاں سستی ہونے کی توقع، کار ڈیلرز ایسوسی ایشن کے چیئرمین کا بیان
-
ایشیائی چیمپئن بننے کے تین بعد باڈی بلڈر سجاد کی موت نے سب کو حیران کردیا
-
نوڈلز کھانے سے 2 کمسن بہنیں جاں بحق، ایک کی حالت تشویشناک
-
بجلی چوروں کی فہرستیں تیار،جائیدادوں کی نیلامی اور شناختی کارڈ منسوخ کرنے کا اعلان
-
نوجوانوں کے لیے خوشخبری، حکومت کا گھر بیٹھے روزگار کمانے کے لیے اہم قدم
-
جیٹ فیول، مٹی کے تیل اور لائٹ ڈیزل آئل کی قیمتوں میں مزید کمی
-
پنجاب زمین ایپ کے ذریعے صرف 2 منٹ میں فرد حاصل کرنے کا طریقہ



















































