لاہور( این این آئی)سعودی حکومت نے عازمین حج کیلئے اہم ہدایت جاری کرتے ہوئے متعدی بیماریوں سے بچا ئوکیلئے میننجائٹس ویکسین لگوانا ضروری قرار دیا ہے،ویکسی نیشن سے ممکنہ وبائی خطرات کو کم کیا جائے گا۔
میدیا رپورٹ کے مطابق سعودی شہریوں اور غیرملکیوں کیلئے میننجائٹس ویکسین کو لازمی قرار دیا گیا ہے۔اس بار حج کرنے والے افراد کے حوالے سے سعودی حکام نے واضح کیا کہ میننجائٹس ویکسین کے بغیر کسی کو بھی حج کی اجازت نہیں دی جائیگی۔سعودی حکام کے حوالے سے کہا گیا ہے کہ سعودی عرب میں مقیم تمام افراد کو حج سے پہلے ویکسین لگوانی ہوگی، ویکسی نیشن جلد مکمل کریں تاکہ کسی رکاوٹ کا سامنا نہ کرنا پڑے۔
