راولپنڈی (این این آئی) پی ٹی آئی وکیل تابش فاروق نے بتایا ہے کہ بشری بی بی نے مشال یوسفزئی کو ترجمان کے عہدے سے ہٹا دیا۔ راولپنڈی کی اڈیالہ جیل کے باہر میڈیا سے گفتگو کرتے ہوئے تابش فاروق نے کہا کہ بشری بی بی نے اپنے چار فوکل پرسن مقرر کردیئے ہیں۔

انہوں نے بتایا کہ فوکل پرسنز میں نعیم پنجوتھا، مبشر اعوان، خالد یوسف اور رائے سلمان شامل ہیں۔ تابش فاروق نے کہاکہ ملاقات میں بانی پی ٹی آئی، بشری بی بی اور پارٹی لیڈر شپ موجود تھی، بشری بی بی نے کہا کہ مشال یوسفزئی اب ان کی ترجمانی نہیں کریں گی۔