لاہور (آن لائن )وزیراعظم عمران خان نے اپنے دورہ لاہور میں پنجاب انتظامیہ کو ہدایت کی ہے کہ قبضہ مافیا کے خلاف بھر پور ایکشن لیا جائے ۔وزیراعظم نے مختلف ترقیاتی اسکیموں کی بروقت تکمیل نہ ہونے اور اشتہاریوں کی عدم گرفتاری اور کرائم کو کنٹرول نہ کرنے
پر بھی نے برہمی کا اظہار کیا۔میڈیارپورٹ کے مطابق وزیراعظم عمران خان کے دورہ لاہور کے دوران اجلاسوں کی اندرونی کے مطابق پنجاب میں انتظامی معاملات بہتر ہونے پر وزیراعظم نے وزیراعلی ٰ اور انکی ٹیم کی تعریف کی۔ پنجاب میں کفایت شعاری پالیسی پر عملدرآمد کرنے اور مہنگائی سے متعلق مثبت اقدام اٹھانے پر و زیراعلیٰ کی تعریف ہوئی۔وزیراعلیٰ نے وزیراعظم کو بریفنگ کے دوران بتایا کہ ن لیگ کے متعدد رہنما اور ممبران اسمبلی ہمارے ساتھ رابطے میں ہیں۔ مسلم لیگ ن کے7 سینئر رہنما اپنی لیڈرشپ سے ناراض ہیں۔ذرائع کے مطابق عثمان بزدار نے عمران خان کو بتایا کہ ن لیگ کے کچھ رہنما ملاقاتیں خفیہ کرتے ہیں اور کچھ سامنے آچکے ہیں۔عمران خان کو بتایا گیا کہ پنجاب کے 42 سیاستدانوں نے سرکاری زمینوں پر قبضے کیے اور مختلف منصوبوں سے غیر قانونی پیسے کمائے۔بریفنگ کے دوران وزیراعظم کو بتایا گیا کہ ن لیگی سیاستدانوں کے خلاف اہم ثبوت مل چکے ہیں۔ قانونی کارروائی مکمل کرکے بھر پور ایکشن لیا جائے گا۔خیال رہے کہ عمران خان نے گزشتہ روز لاہور کا دورہ کیا اور اتحادیوں سے ملاقات بھی کی۔ وزیراعلیٰ پنجاب عثمان بزدار اور کابینہ اراکین نے بھی وزیراعظم سے ملاقات کی تھی۔
