’’میری طرف سے دی گئی مہلت ختم ، بہت صبر کر لیا اب اور نہیں ‘‘ ن لیگی رہنما ماروی میمن نے اسحاق ڈار کیخلاف اہم اعلان کردیا

اسلام آباد (مانیٹرنگ ڈیسک)ن لیگ کی رہنما ماروی میمن نے پریس کانفرنس کرنے کا اعلان کر دیا ۔ تفصیلات کے مطابق عوامی رابطے کی ویب سائٹ ٹویٹر پر ماروی میمن نے اپنے پیغام میں لکھا کہ میری جانب سے دی گئی مہلت اب ختم ہو گئی ہے ،بہت صبر سے کام لے لیا ۔ انہوں نے لکھا کہ پریس کانفرنس اسی وقت ہو گی جو وقت مجھے سوٹ کرے گا کسی کی دھمکیوں سے پریس کانفرنس کا وقت طے نہیں کروں گی ۔ مجھے اذیت جھیلتے ہوئے تین سال گزر گئے، پریس کانفرنس کے حوالے سے آپ بھی صبر کریں ، اس میں سیاست

سے جڑی تمام چیزوں پر بات کروں گی ۔ ن لیگ کی رہنما ماروی میمن نے تحریک انصاف میں شمولیت کی خبروں پر کہا ہے کہ پی ٹی آئی سے میرا کوئی تعلق نہیں اور نہ ہی ہو گا،آپ اپنی تحریک انصاف کو سنبھالیں ۔ واضح رہے کہ ماروی میمن نے اسحاق ڈار کیخلاف پریس کانفرنس کرنے کا عندیہ دیا تھا۔