اسلام آباد(مانیٹرنگ ڈیسک)پاکستان تحریک انصاف کی پارلیمانی پارٹی کا اجلاس آج مقامی ہوٹل میں ہوا، اجلاس کے بعد میڈیا سے گفتگو کرتے ہوئے شاہ محمودقریشی نے کہا کہ پی ٹی آئی آج سب سے بڑی جماعت بن کر ابھری ہے ۔عوام نے ہم پر اعتماد کا اظہار کیا ہے۔ہماری کوشش ہے کہ عوام کی توقعات پر پورا اتریں۔آزاد ارکان نے تحریک انصاف پر اعتماد کا اظہار کیا ہے وہ کسی اورجماعت میں بھی جاسکتے تھے ۔تحریک انصاف کا طرز حکومت مختلف ہوگا۔
ہمارا خوف دیگر جماعتوں کو اکٹھا کر رہا ہے ۔عمران خان کی رائے میں اپوزیشن بہت کمزور ہے۔شاہ محمود قریشی نے میڈیا نمائندوں کو یہ بات بھی بتائی کہ عمران خان وزیر اعظم کے عہدے کا حلف اٹھانے کے بعد خود پارلیمنٹ جائینگے اور سوالات کے جوابات دینگے۔اجلاس کے دوران عمران خان نے معاشی اصلاحات،خارجہ چیلنجز پر گفتگو کی ۔ٹیکس کی حفاظت کیسے کرنی ہے انہوں نے اس معاملے پر بھی تفصیلی روشنی ڈالی۔
