اسلام آباد(مانیٹرنگ ڈیسک)امریکی ڈرون طیارے ملکی حدود میں داخل ہوئے تو مار گرائیں گے، امریکہ کو واضح طور پر آگاہ کر دیا ہے، پاک فضائیہ کے سربراہ ائیر چیف مارشل سہیل امان کا اسلام آباد تقریب سے خطاب ۔ تفصیلات کے مطابق پاک فضائیہ کے سربراہ ائیر چیف مارشل سہیل امان نے اسلام آباد میں منعقدہ ایک تقریب سے خطاب کرتے ہوئے کہا کہ امریکہ کی جانب سے ڈرون

طیاروں کے ذریعے پاکستان کی فضائی حدود کی خلاف ورزی پر امریکہ کا متنبہ کر دیا ہے کہ اب اگر امریکی ڈرون ملکی حدود میں داخل ہوئے تو پاک فضائیہ انہیں مار گرائے گی۔ تقریب سے خطاب کرتے ہوئے ان کا کہنا تھا کہ کامرہ ائیربیس پر حملہ ائیرفورس کی تاریخ کا سب بڑا حملہ اور افسوسناک ترین سانحہ تھا،اٗس سانحے میںیک ساب ائیرکرافٹ طیارہ مکمل تباہ جب کہ دوسرے کو جزوی نقصان پہنچاتھا۔ طیاروں کی بحالی کیلئے لمی ادارے نے 287 ملین ڈالرز مانگے لیکن وہی طیارے ہمارے نوجوانوں، انجینئر اور سائنسدانوں نے صرف 25 ملین ڈالرز میں ہی دوبارہ پرواز کے لئے تیار کرلئے اور پاکستان ساب جہازوں کی 5ویں سرٹیفکیشن ایجنسی بن گیا ہے۔ اب ہم خود جنگی جہاز بنائیں گے اور ائیرٹیکنالوجی کی بھیک بھی نہیں مانگنی پڑے گی۔ پاکستان سالانہ 16 سے 20 جے ایف 17 تھنڈر طیارے بنارہا ہے،پا کستان کو اپنے ہی پڑوسی ممالک نے نقصان پہنچانے کی کوشش کی جس میں سرفہرست بھارت ہے اور کامرہ ائیربیس پر حملے کے پیچھے بھی بھارت کا ہی ہاتھ تھا کیوں کہ دہشت گردوں کو جہازوں سے کیا لینا تھا تاہم ہم اپنے ہمسائے تبدیل نہیں کرسکتے۔ ائیر چیف مارشل سہیل امان کا کہنا تھا کہ معمر قذافی اور صدام حسین کے جانے کے بعد دونوں ممالک میں کیا ہوا، کیا وہاں جمہوریت آگئی، کسی بھی ملک میں مرضی کی جمہوریت نہیں لائی جاسکتی اور ناہی جمہوریت ہر

ایک ملک کا حل ہے اس کی مثالیں عراق اور لیبیا کی صورت ہمارے پاس موجود ہیں۔