اسلام آباد (مانیٹرنگ ڈیسک) پاکستان اور ورلڈ الیون کے درمیان تین میچوں کی سیریز کا آخری میچ شروع ہونے سے 30 منٹ قبل قذافی سٹیڈیم کے باہر ایک ٹریفک حادثہ پیش آیا جس میں چار افراد زخمی ہو گئے، میڈیا ذرائع کا کہنا ہے کہ قذافی سٹیڈیم کے باہر موجود ایمبولینس اور پولیس موبائل ایک دوسرے کے ساتھ ٹکرا گئیں جس کے نتیجے میں چار افراد زخمی ہوئے، وہاں موجود ریسکیو ٹیموں

نے زخمیوں کو ہسپتال پہنچا دیا ہے، یاد رہے کہ آزادی کپ کے سلسلے میں قذافی سٹیڈیم میں سکیورٹی انتہائی سخت ہے، یہاں پر پولیس موبائلز کا گشت بھی جاری ہے اور اس کے علاوہ کسی بھی ناخوشگوار واقعے سے نمٹنے کے لیے طبی عملہ اور ریسکیو ٹیمیں بمع ایمبولینس موجود ہیں، آزادی کپ میں پہلا میچ پاکستان نے جیتا تھا اور دوسرا میچ ورلڈ الیون نے جیت کر حساب برابر کر دیا تھا۔