ریاض(این این آئی)سعودی عرب نے اسرائیل کے ساتھ تعلقات معمول پر لانے کے لیے امریکا کے ساتھ دفاعی معاہدے سے انکار کر دیا ہے۔غیر ملکی خبررساں ادارے کے مطابق سعودی حکام کا کہنا تھا کہ آزاد فلسطینی ریاست کے قیام تک سعودی عرب کے اسرائیل کے ساتھ تعلقات معمول پر نہیں آ سکتے۔
سعودی حکام نے مزید وضاحت کی کہ اگر امریکا عام فوجی تعاون کا معاہدہ کرتا ہے تو یہ معاہدہ حملے کی صورت میں تحفظ فراہم نہیں کرے گا۔امریکا سعودی عرب میں اپنی موجودگی میں اضافہ کرے گا اور بائیڈن انتظامیہ دفاعی معاہدے پر مہر ثبت کرنا چاہتی ہے۔ تاہم، اس معاہدے کو سینیٹ کی منظوری درکار ہوگی۔
