اسلام آباد (مانیٹرنگ ڈیسک) بھارت میں اجتماعی زیادتی کرنے والے گروہ کے حملے سے بمشکل بچنے والا ایک غیر ملکی جوڑا شدید ذہنی صدمے کا شکار ہو گیا۔ ترک خاتون دیگو کیسکن اور ان کے جرمن شوہر ٹمی ہیٹن دو سال سے مختلف ممالک کا سفر کر رہے ہیں۔ حال ہی میں وہ بھارت آئے۔ کیسکن نے بتایا کہ چار افراد کا گروہ گھر کی کھڑکیاں توڑ کر کمرے کے اندر داخل ہوا اور انہوں نے میرے شوہر کو مار مار کر لہولہان کردیا، انہوں نے میرے شوہر کو شدید زخمی کیا اور مجھ سے زیادتی کرنے کی بھی کوشش کی، سماجی رابطے کی
ویب سائٹ ٹویٹر پر اپنے پیغام میں انہوں نے اس خوفناک تجربے کے بارے میں اپنی کیفیت شیئر کرتے ہوئے کہا کہ ہم نے کبھی سوچا بھی نہیں تھا کہ ہم پر گینگ حملہ ہو گا، گزشتہ رات عصمت دری کا نشانہ بننے سے بچ گئے۔ ترک خاتون جو کہ حاملہ بھی ہیں انہوں نے بتایا کہ ایک ہندوستانی شخص سے میں نے خود کو بڑی مشکل سے اپنی عزت کو بچایا، غیر ملکی ترک خاتون اور ان کے شوہر نے بھارتی عدالت سے درخواست کی ہے کہ ملزمان کو فوری تلاش کرکے انہیں انصاف کے کٹہرے میں لایا جائے اور کڑی سے کڑی سزا دی جائے۔
