واشنگٹن(آن لائن)امریکا کے ایوان نمائندگان نے نیشنل ڈیفنس اتھارٹی ایکٹ (این ڈی اے ) کی منظوری دے دی، اس میں کی گئی ترمیم ٹرمپ انتظامیہ کو ایران کے خلاف براہ راست جنگ میں جانے سے روکے گی۔ غیر ملکی خبر رساں ادارے کے مطابق بل میں ترمیم کر کے ایسے التزام کئے ہیں جو امریکی صدر کو کانگریس کی منظوری کے بغیر ایران پر حملے کرنے سے روکیں گے۔ایوان نمائندگان نے این ڈی اے ترمیم شدہ بل کو 197 کے

مقابلے میں 220 ووٹوں سے منظور کیا۔ خارجہ امور کی ایوان کمیٹی کے چیئرمین کانگریسی ایلیٹ اینگل نے ووٹنگ سے پہلے کہا، اگر صدر جنگ کرنا چاہتے ہیں تو ان کو پہلے کانگریس کے پاس جانا ہوگا۔ آئین کانگریس کو جنگ کے اعلان کا اختیا ردیتا ہے صدر کو نہیں۔سینیٹ نے اس سیکورٹی بل کی جون میں منظور دی تھی۔وائٹ ہاؤس نے اس بات کے اشارے دیے ہیں کہ صدر ڈونلڈ ٹرمپ اس بل کو ویٹو کریں گے۔