ماسکو (این این آئی)روس کے صدر پیوٹن نے دوسری شادی کا شوشا چھوڑ دیا،صحافی کے سوال پر پیوٹن پہلے مسکرائے اور پھر دوبارہ سیشادی کرنے کا اشارہ بھی دیدیا۔گزشتہ روز ماسکو میں ہونے والی سالانہ کانفرنس میں ایک صحافی کے سوال پر پیوٹن کے مطابق شاید وہ دوبارہ شادی کرسکتے ہیں لیکن یہ نہیں کہہ سکتے کہ وہ کس سے شادی کریں گے۔واضح رہے66 سالہ پیوٹن نے اپنی
اہلیہ لیوڈ ملا سے 2013 میں علیحدگی کااعلان کیا تھا۔ان کی شادی 1983 میں انجام پائی تھی۔ان کی دو بیٹیاں ہیں جن کی عمر بھی اب تیس کی دہائی میں ہے اور ان کا سیاست سے دور دور تک کوئی لینا دینا نہیں ۔پہلی بیوی کو طلاق دینے کے بعد مقامی میڈیا میں یہ خبریں بھی سامنے آ چکی ہیں کہ پیوٹن کے الینا نامی سابق اولمپیئن سے تعلقات ہیں تاہم پیوٹن نے یہ افواہ غلط قرار دی تھی۔
