برسلز(این این آئی))یورپی یونین کی طرف سے کہا گیا ہے کہ ایک سابق روسی جاسوس کو برطانیہ میں قتل کرنے کی کوشش دہشت انگیزہے اور اگر برطانیہ چاہے تو یورپی یونین اس معاملے پر اس کا ساتھ دینے کو تیار ہے۔جرمن ریڈیو کے مطابق ایک بیان میں کہاگیاکہ وہ اس بات کی وضاحت کریں کہ سابقہ سوویت یونین کے دور کا تیار کردہ
اعصاب مفلوج کرنے والا کیمیائی مادہ روسی ڈبل ایجنٹ کو قتل کرنے کی کوشش کے لیے کیسے استعمال ہوا۔ یورپی یونین کے خارجہ امور کی سربراہ فیدیریکا موگرینی کے مطابق اگر برطانیہ چاہے تو یورپی یونین اس معاملے میں لندن کی مدد کرنے کو تیار ہے۔
