سری نگر ( سی پی پی )مقبوضہ کشمیر کے سابق وزیراعلیٰ فاروق عبد اللہ نے بھارت اور پاکستان سے مطالبہ کیا ہے کہ وادی میں امن کی بحالی کے لیے مسئلے کا حل تلاش کریں،وقت آ گیا ہے کہ وادی کشمیر میں خونریزی بند اور امن بحال ہو ۔سری نگر میں میڈیا سے گفتگو کرتے ہوئے فاروق عبداللہ نے بھارتی وزیراعظم نریندر مودی اور
پاکستان کے وزیراعظم شاہد خاقان عباسی سے اپیل کی ہے کہ جموں اور کشمیر میں امن بحالی کے لیے اقدامات کریں۔ان کا کہنا تھا اب وقت آگیا ہے کہ وادی میں خونریزی بند اور امن بحال ہو۔ چند روز پہلے مقبوضہ کشمیر کی وزیر اعلیٰ محبوبہ مفتی نے بھی بھارت اور پاکستان سے کہا تھا کہ وہ مذاکرت کے ذریعے مسئلے کا حل نکالیں۔
