جدہ (مانیٹرنگ ڈیسک) سعودی عرب نے مزید 12 پیشے اور ان کی ملازمتیں سعودی مرد وخواتین کیلئے مختص کردیں ، عملدرآمد آئندہ ہجری سال سے کیا جائے گا ۔میڈیا رپورٹ کے مطابق سعودی وزار ت محنت کے ترجمان خالد ابا الخیل نے کہا ہے کہ سعودی وزیر محنت و سماجی بہبود

ڈاکٹر علی الغفیص نے مزید 12پیشے اوران کی ملازمتیں سعودی مرد و خواتین کیلئے مختص کردیں جن پر عملدرآمد آئندہ ہجری سال کے شروع سے کیا جائے گا ۔ انہوں نے کہا کہ سعودی ملازم مرد و خواتین کی شرح بڑھانے اور انہیں روزگار کے زیادہ سے زیادہ مواقع فراہم کرنے کیلئے طے کیا گیا ہے کہ گھڑیوں ، چشموں ، طبی سازوسامان و آلات ، الیکٹرانک اشیاء ، فاضل پرزوں،تعمیراتی سامان، انواع و اقسام کے قالینوں ، گاڑیوں، موٹر سائیکلوں ، گھریلو و دفتری فرنیچر ،تیار ملبوسات، بچوں کے ملبوسات، مردانہ لوازمات اور گھریلو برتن نیز مٹھائیاں فروخت کرنے والی دکانوں پر فروخت کا کام سعودی خواتین اور مرد ہی کرسکیں گے۔ ترجمان نے کہاکہ جن دکانوں پر خواتین کی تقرری کو لازم کیا گیا تھااس فیصلے کی پابندی قوت سے کرائی جائیگی اورنیا فیصلہ مذکورہ فیصلے کے منافی نہیں۔  سعودی وزار ت محنت کے ترجمان خالد ابا الخیل نے کہا ہے کہ سعودی وزیر محنت و سماجی بہبود ڈاکٹر علی الغفیص نے مزید 12پیشے اوران کی ملازمتیں سعودی مرد و خواتین کیلئے مختص کردیں جن پر عملدرآمد آئندہ ہجری سال کے شروع سے کیا جائے گا ۔

موضوعات:ملازمتیں